Betanzos e Miño acolleron a pasada semana a fase previa do Campionato de España sub 16 e sub 19 feminino de fútbol sala.
O noso club tivo representación na categoría sub 16 por medio de Lucía Osorio e Antía Ribeiro, que sen dúbida puideron vivir unha experiencia emocionante. Dende o club queremos destacalo seu papel e transmitirlle os nosos parabéns pola convocatoria, seguide así campionas!

Lalín acolleu o sábado, 28 de decembro, a fase final do campionato de seleccións comarcais. Ambas seleccións lograron clasificarse a fin de semana pasada na fase previa que se xogou en Marín (A Raña).

- INFANTIL FEMININO 
Contaban coa participación por parte do noso club de Antía Boullosa e foron as vencedoras do campionato.
-

- ALEVÍN FEMININO
Contaba coa participación de Sara Osorio e Sabela Garrido. Lograron quedar subcampionas.

Onte os equipos da nosa base e tamén o corpo técnico tiveron unha visita moi especial. Puideron gozar da compañia de Mario Paz Bahillo (Pollito), o que foi o noso capitán na 2° División B; tempadas onde se acadaron os resultados máis gloriosos da historia do noso club. 
Actualmente é xogador da 2° división italiana e milita nas filas do Virtus Rutigliano. Dende aquí agradecela súa visita, esta sempre será a súa casa, e desexarlle que siga loitando polos seus obxectivos e cumplindo soños! @mariopazbahillo
#verdespolomundo?

CAMPIONATO DE ESPAÑA DE SELECCIÓNS AUTONÓMICAS DE LA RFEF

A semana pasada disputouse o campionato de seleccións autonómicas ds categoría infantil feminino en Ejido. O noso club contaba coa representación de LUCÍA OSORIO e hoxe, cuns días de retraso, queremos destacar a súa labor e darlle a noraboa pola súa participación, así como polo seu esforzo.

O seu grupo contaba con rivais fortes do nivel de Andalucía e Madrid. Os resultados non foron os agardados e sumaron tres derrotas fronte a Murcia (5-4), Andalucía (10-0) e Madrid (6-2). Non obstante, conseguiron impoñerse a selección de Navarra no seu último partido para despedirse cun mellor sabor de boca (9-2).

Finalmente, sería a selección madrileña a que lograría facerse co campionato tras vencer a Aragón por 2-5.

Do 2 ao 4 de marzo disputouse en Lugo o campionato de seleccións comarcais.

- INFANTIL FEMININO 
Contaban coa participación por parte do noso club de Lucía Osorio e Paula Estévez como xogadoras e con Sabela Garrido como adestradora.
Na fase de grupos conseguiron dúas victorias contra Pontevedra (2-1), cun gran gol de Lucía, e contra Santiago (4-0), non obstante caerían ante a selección de Coruña por 4-2. A selección gañadora foi a de Ourense.
- ALEVÍN MIXTO

Contaba coa participación de Fabio Cespón e non lograron pasar da fase de grupos onde cairon fronte as selección de Pontevdra, Santiago e Coruña. A gañadora foi a selección de Ferrol.

- ALEVÍN FEMININO
Contaba coa participación de Antía Boullosa e María Barcia. Na fase de grupos sumaron un empate contra Santiago (2-2) e unha derrota contra Coruña (2-3), na semifinal perderon contra Pontevedra (3-2). A selección gañadora foi a de Lugo.

FURANCHO: OS VERDES DE SAN BLAS

Pasou o día, pasou a romería. 
Queremos agradecer dende o club a tódalas persoas que colaboraron connosco, ás que botaron unha man cos preparativos, ás que estiveron detrás da barra ou na cociña, así como a tódolas persoas que viñeron a consumir e compartir con nós uns intres desta festa. GRAZAS.

En decembro e en Mondoñedo celebrouse o Campionato Galego de Seleccións Comarcais Sub-16 e Sub17. Seis das nosas xogadoras foron convocadas coa Selección de Vigo e tivemos a sorte de poder velas desfrutar coas súas compañeiras dos outros equipos dentro do campo! Sen dúbida esta experiencia non fai máis que sumar na súa aprendizaxe, seguide así ??????